මහ / අමුපිටිය ජාතික පාසල වෙත සාදරයෙන් පිළිගනිමු !

වර්ෂ 1908 ක් වූ නොවැම්බර් මස 4 වෙනි දින උඩිස්පත්තුව, අමුපිටිය නම් වූ ග්‍රාමයේ සිසුන් දොළොස් දෙනෙකුගෙන් ආරම්භ වූ මෙම පාසලේ නිර්මාතෘවරයාණන් වූයේ එවකට අමුපිටිය වනවාසාරාම විහාරස්ථානයේ අධිපතීන් වහන්සේ ලෙස වැඩ විසූ පූජ්‍ය අතරගල්ලේ ධම්මානන්ද හිමිපාණන් ඇතුළු ප්‍රදේශයේ ප්‍රභූන් පිරිසකි. එදා කුඩා පොල් අතු මඩුවකින් ආරම්භ ව කණිෂ්ඨ විද්‍යාලයක් ,මහා විද්‍යාලයක් ,ජාතික පාසලක් දක්වා අති දුෂ්කර වූ මාර්ගයක් ඔස්සේ අමුපිටිය ජාතික පාසල වර්තමාන තත්ත්වයට පැමිණ ඇත. 1972 වර්ෂයේ දී මහා විද්‍යාලයක් බවට පත්වන මෙම විදුහල 2000 වර්ෂයේ දී ජාතික පාසලක් බවට උසස් කෙරෙනුයේ මැදදුම්බර කොට්ඨාසයේ දෙවැනි ජාතික පාසල බවට පත් කරමිනි.